Mae traddodiad hir o addysg cyfrwng Cymraeg ym Mhrifysgol Bangor ac erbyn heddiw mae llu o gyfleoedd i chi ddefnyddio'r iaith - o fewn eich astudiaethau, wrth ddefnyddio gwasanaethau'r Brifysgol ac wrth gwrs wrth gymdeithasu. Gwyliwch y fideos ar y dudalen hon i wybod mwy.
Cyfleoedd i ddefnyddio’r Gymraeg
Fel siaradwyr Cymraeg, mae cefnogaeth a chyfleoedd i dderbyn cymorth drwy gyfrwng y Gymraeg ar gael ar eich cyfer drwy'r Uned Gwasanaethau Myfyrwyr ac Undeb y Myfyrwyr yn ogystal ag o fewn eich Ysgol Academaidd. Pe byddech yn dymuno astudio drwy gyfrwng y Gymraeg, mae llu o gefnogaeth ar gael ar eich cyfer i wneud hynny fel sydd wedi ei amlinellu yn y fideo.
Trawsgrifiad Fideo Cyfleoedd i ddefnyddio’r Gymraeg
[0:00] Croeso i Brifysgol Bangor!
[0:02] Mae yna lwyth o gyfleoedd a chefnogaeth ar gael i chi ddefnyddio'r Gymraeg tra 'da chi yn y brifysgol,
[0:07] felly dyma flas i chi ohonyn nhw.
[0:10] Yn gyntaf,
[0:11] mae yna gyfle i chi astudio rhan fawr neu fach o'ch cwrs drwy gyfrwng y Gymraeg.
[0:16] Gewch chi ddewis faint o'ch cwrs 'da chi isio ei astudio drwy gyfrwng y Gymraeg,
[0:20] ac yma mha iaith 'da chi'n cyflwyno eich gwaith.
[0:23] Mae 9 o bob 10 o'r siaradwyr Cymraeg sy'n fyfyrwyr yma,
[0:26] yn astudio rhwyfaint o'u cwrs drwy gyfrwng yr iaith.
[0:29] Felly mae'n rhywbeth hollol naturiol i wneud.
[0:32] Fel siaradwyr Cymraeg,
[0:34] gewch chi sgwrs a chyngor yn y Gymraeg ar unrhyw beth gan eich tiwtor personol,
[0:37] neu o wasanaethau myfyrwyr y brifysgol.
[0:41] Mae yna gymorth ar gael hefyd i'ch helpu chi astudio drwy gyfrwng y Gymraeg, drwy Ganolfan Bedwyr,
[0:46] sy'n creu modiwlau ac adnoddau sgiliau iaith fel Cysill ar ap Geiriaduron.
[0:52] Os byddwch chi'n astudio rhywfaint drwy'r Gymraeg,
[0:54] gallwch chi dderbyn cefnogaeth ariannol drwy Ysgoloriaeth Cymhelliant y Coleg Cymraeg Cenedlaethol,
[1:00] a'r bwrsariaeth astudio drwy gyfrwng y Gymraeg y brifysgol.
[1:04] Yn olaf,
[1:05] mae yna lwyth o gyfleoedd i gymdeithasu yn y Gymraeg
[1:07] drwy gymdeithasau a thimau chwaraeon Undeb Myfyrwyr Cymraeg Bangor.
[1:12] Gwnewch yn fawr o'r cyfnod ym Mangor felly,
[1:15] a mwynhewch y profiad
Hawliau Siaradwyr Cymraeg
Fel siaradwyr Cymraeg, mae gennych chi hawliau ynghlwm â'r iaith yn ystod eich cyfnod yn y brifysgol. Mae cefnogaeth a chyfleoedd i dderbyn cymorth drwy gyfrwng y Gymraeg ar gael ar eich cyfer drwy'r Uned Gwasanaethau Myfyrwyr, Undeb y Myfyrwyr yn ogystal ag o fewn eich Ysgol Academaidd. Pe byddech yn dymuno astudio drwy gyfrwng y Gymraeg, mae llu o gefnogaeth ar gael ar eich cyfer i wneud hynny fel sydd wedi ei amlinellu yn y fideo.
Trawsgrifiad Fideo Hawliau Siaradwyr Cymraeg
[0:01] Helo a chroeso i Fangor!
[0:05] Dyma hawliau myfyrwyr sy'n siaradwyr Cymraeg.
[0:11] Cyflwyno gwaith ysgrifenedig yn Gymraeg.
[0:16] Cyfarfodydd yn Gymraeg.
[0:21] Gwasanaeth cwnsela yn Gymraeg.
[0:26] Tiwtor personol sy'n siarad Cymraeg.
[0:31] Gohebiaeth yn Gymraeg.
[0:35] Cais am gymorth ariannol yn Gymraeg.
[0:39] Llythyrau, ffurflenni a thystysgrifau yn Gymraeg.
[0:46] Llety myfyrwyr Cymraeg.
[0:50] Unrhyw gwestiynau?
[0:51] Cysylltwch â Chanolfan Bedywr.