È«Ãñ²ÊƱ

A wnaeth eich gradd israddedig neu radd Meistr agor eich llygaid i fyd cyffrous ac amrywiol ymchwil? Mae'r diwydiant chwaraeon, iechyd, ymarfer ac anturio ac ymchwil yn y meysydd hyn mewn cyfnod o dwf. Ydych chi eisiau bod yn rhan o hynny? Os oes gennych egni a diddordeb mawr mewn ymchwil yna astudio am ddoethuriaeth ym maes gwyddor chwaraeon ac ymarfer yw'r dewis i chi!

Gallech fod yn gweithio gydag athletwyr elît yn eu helpu i wella eu perfformiad. Gallech gyfrannu at ddatblygu gwybodaeth am sut gellir cymhwyso gwyddoniaeth i chwaraeon ac ymarfer corff i wella'r gallu i hyfforddi neu ddysgu. Gallech gyfrannu at ddealltwriaeth y byd am ymarfer corff fel meddyginiaeth i bobl gyda phroblemau iechyd neu hyrwyddo manteision gweithgarwch corfforol ac ymarfer corff.

Bydd astudio am ddoethuriaeth yn y maes hwn yn caniatáu ichi archwilio cyfleoedd gyrfa ym maes seicoleg chwaraeon ac ymarfer corff neu weithio ym maes adsefydlu. Bydd doethuriaeth yn sicrhau y byddwch nifer o gamau'n nes at gael swydd yn y maes a bydd yn cynyddu eich siawns o ennill cyflog da.